Жабу
Кеңес ал!
Ақмола облысындағы «МИР КАРАТЭ» ЖШС — жай ғана спорт секциясы емес, әр адамға спортты қолжетімді етуге ұмтылған, отбасылық құндылықтар мен спортқа деген махаббатқа негізделген әлеуметтік жоба. Жобаны ерлі-зайыптылар Нұрғалиев Руслан Жексембайұлы мен оның жұбайы басқарады, екеуі де кекушинкай каратэден кәсіби жаттықтырушылар, шеберлер.
Бизнес ресми түрде 2021 жылы басталды: сол жылы «МИР КАРАТЭ» ЖШС тіркеліп, жеке спорт залы ашылды. Бұған дейін команда қоғамдық бірлестік ретінде жұмыс істеген. Бастапқыда бар болғаны екі жаттықтырушы — Руслан мен жұбайы және 20 оқушы болған. Алғашқы инвестициялар — өз қаражаты және несиеге алынған шағын зал.
Ерлі-зайыптылардың тарихы 1995 жылы кекушинкай каратэ жаттығуларында басталған. Бүгінде бұл — олардың ортақ ісі, өмір салты және шабыт көзі.
«МИР КАРАТЭ» ЖШС — бұл қолжетімділік туралы. Команданың басты ұстанымы: «Кекушинкай каратэ – барлығына, ешқандай ерекшеліксіз»
Жобаның бірегейлігі мынада: екі жаттықтырушы да 4-дан қара белбеу иегерлері, жоғары деңгейлі мамандар. Ерлі-зайыптылар 24 жылдан астам уақыт бірге және осы уақыт бойы спорт пен отбасында қатар жүр. Арнайы білім беру қажеттіліктері бар (АБҚ) балаларды жаттықтырады, сондай-ақ ересектерге арналған АБҚ секциясын ашуға дайындалып жатыр. Каратэ жасына, физикалық дайындығына, әлеуметтік мәртебесіне немесе денсаулығына қарамастан барлығына қолжетімді.
Жобаны дамыту және зал сатып алу үшін команда «Банк ЦентрКредит» АҚ арқылы несие алып, сондай-ақ «Даму» Қорының «Кепілдік беру қоры 1» құралы бойынша кепілдік қолдауын алды. Бұл несие алудағы кедергілерді азайтып, инфрақұрылымды дамытуға мүмкіндік берді. Әсіресе бейімделген спорт бағытындағы секциялардың санын көбейтуге жол ашты.
Қазіргі уақытта команда «Өрлеу» бағдарламасы бойынша жеңілдетілген несиелеу аясында несиені қайта қаржыландыруға өтінім берді. Бұл пайыздық жүктемені азайтып, үнемделген қаражатты жобаны әрі қарай кеңейтуге мүмкіндік береді.
Компания келесідей қызметтерді ұсынады: балалар мен ересектерге арналған кекушинкай каратэ спорт секциялары, арнайы бейімделген топтар. Жаттығулар Көкшетаудағы залда және облыстың тағы 8 елді мекенінде өткізіледі.
Бастаушыларға кеңес: «Бастапқыда-ақ жүйе құрыңыз және ресми түрде жұмыс істеңіз. Бұл – өсу мен мемлекеттік қолдауға жол ашады.»
Сабақ болған қателік: Алғашында барлық істі жұбайлар өздері атқарған. Қазір олар команда құрудың маңыздылығын жақсы түсінеді.
Алдағы 1–2 жылдағы мақсаттар: ересектерге арналған бейімделген каратэ бағыттарын кеңейту, 1000-нан астам оқушыға жету, авторлық әдістемені республика бойынша масштабтау, республикалық деңгейдегі турнирлер ұйымдастыру.
«Кекушинкай каратэ — бұл күштің, теңдіктің және құрметтің жолы. Мұнда әр адам мықты әрі өз-өзіне сенімді бола алады».
Мекенжайы: Ақмола облысы, Көкшетау қ., Сұлтан Баймағамбетов көшесі, 33-үй
Телефон: +7 701 136 6161
Сайт: @kokshe_karate
