Жабу
Кеңес ал!
Ұйқы — жай ғана тынығу емес. Ол — өмірлік энергия, денсаулық пен үйлесімнің көзі. Сондықтан Mattex сауда белгісімен матрас шығаратын «Хаан-Койл» ЖК компаниясы сапалы ұйқы дұрыс матрастан басталатынына сенімді.
Mattex тарихы 2007 жылы шағын отбасылық цех пен бес қызметкерден басталды. Сол кезде барлығы отандық өнімді шетелдік баламалардан кем түспейтін сапада жасауға деген ынта мен талпынысқа негізделді. Бастапқы капитал небәрі 1 миллион теңгеге дейін болды, бірақ идеяға сенім мен сапаға деген ұмтылыс өз нәтижесін берді.
Бүгінде компания — табиғи және гипоаллергенді материалдардан ортопедиялық матрас шығаратын тұрақты кәсіпорын. Ассортиментте стандартты үлгілермен қатар тапсырыс бойынша, стандартты емес өлшемдегі және қаттылығы әртүрлі бұйымдар бар. Негізгі қағида — әр клиентке жеке көзқарас.
Mattex матрастары заманауи технологиялар мен берік, экологиялық таза материалдардан — кокос койрасы, латекс, холлкон және арнайы пеналардан жасалады. Әр бұйым ұқыптылықпен өндіріледі, себебі адамның денсаулығы мен жайлылығы соған байланысты. Өнімге берілетін кепілдік мерзімі — 3 жыл.
2023 жылы кәсіпорын «Даму» қорының қолдауымен Кәсіпкерлікті дамыту ұлттық жобасы (2021–2025 жж.) аясында пайыздық мөлшерлемесі субсидияланған «Еуразиялық банк» АҚ қаржыландыруын алды. Несие қаражаты айналым капиталын толықтыруға бағытталып, компанияның қаржылық тұрақтылығын нығайтуға және тұрақты дамуына мүмкіндік берді.
Компания директоры Сандалхан Сашка мемлекеттік бағдарламаға қатысу бизнесті нығайтудың маңызды кезеңі болғанын атап өтеді:
«Даму» қорының қолдауы бізге қиын кезеңнен өтіп, өндірісті тұрақтандырып, әрі қарай дамуға мүмкіндік берді. Егер өз ісіңе сеніп, үнемі алға ұмтылсаң, отандық бизнес табысты бола алады», — дейді ол.
Компанияның маңызды жетістіктерінің бірі — Halyk Market онлайн-платформасына шығуы. Енді Mattex матрастарын онлайн түрде — жылдам, ыңғайлы және отандық өндірушіні қолдай отырып сатып алуға болады. Компания цифрлық бағытты белсенді дамытып, Қазақстанның онлайн-нарықтарында өз қатысуын кеңейтуді жоспарлап отыр.
Алдағы 1–2 жылда Mattex өндіріс көлемін арттырып, ассортиментті кеңейтіп, жаңа аймақтық нарықтарға шығуды мақсат етеді.
Қаржылық шектеулер мен шикізат бағасының өсуі сияқты қиындықтарға қарамастан, компания нық қадаммен алға жылжуда. Жылдар бойы Mattex сапа мен клиент сенімін басты құндылық ететін сенімді қазақстандық бренд ретінде танылды.
«Жайлы ұйқы — табысты күннің бастауы!» — бұл ұран компанияның философиясын бейнелейді және команданы адамдардың күн сайын өздерін жақсы сезінуіне көмектесетін өнім жасауға шабыттандырады.
Байланыс:
Ақмола облысы, Қосшы қ., Әліби Жангелдин көшесі, 14/5
Тел.:+77012519782,+7(7172)456585
Halyk Market сілтемесі: https://halykmarket.kz/kokshetau/category/matrasi/matras-mattex-duo-100kh200kh22sm-belyy
Сайт: www.mattex.kz
