Жабу
Кеңес ал!
2014 жылы құрылған «Трубпром» жауапкершілігі шектеулі серіктестігі бүгінде Қазақстандағы су құбырына, сұйық және газ тәріздес заттарды тасымалдауға арналған полиэтилен құбырларын өндіру саласындағы жетекші компаниялардың бірі болып табылады. Компания нарықты сапалы өніммен қамтамасыз етіп қана қоймай, кез келген деңгейдегі құбыр жүйелерін монтаждау бойынша толық қызметтер кешенін ұсынады.
Өндірісте тек жоғары сапалы шикізат пайдаланылады. Әр партия өнім мұқият зертханалық сынақтардан өтіп, сәйкестік сертификаттарымен расталады. Сонымен қатар, кәсіпорын ауыл шаруашылығында үлкен сұранысқа ие тамшылатып суару жүйелерін өндіру бағытын да белсенді дамытып келеді. Бұл технология суды тиімді пайдалануға және өнімділікті арттыруға мүмкіндік береді.
Бүгінде компанияда шамамен 200-ге жуық білікті қызметкер еңбек етеді. Олар кәсіби шеберлігі мен ортақ құндылықтары арқылы компанияның табысты дамуына өз үлесін қосып келеді. «Трубпром» географиясы кеңейіп, Қарағанды, Алматы және Ақтөбе қалаларында филиалдары табысты жұмыс істеуде, бұл өз кезегінде өнімнің қолжетімділігін және клиенттерге жедел қызмет көрсетуді қамтамасыз етеді.
2025 жылдың шілде айында компания «Халық Банкі» АҚ арқылы айналым қаражатын толықтыру үшін «Өрлеу» жеңілдетілген несиелеу бағдарламасы бойынша 12,6% мөлшерлемемен қаржыландыру алды. Сонымен қатар, кәсіпорын «Даму» қорының «Кепілдік қоры-1» бағдарламасы аясында кепілдеме алып, өз қаржылық тұрақтылығын нығайтуға және одан әрі дамуға мүмкіндік алды.
Мемлекеттік қолдаудың, кәсіби команда мен сапаға бағытталған жұмыстың арқасында «Трубпром» ЖШС қарқынды дамуын жалғастырып, жаңа жұмыс орындарын ашып, инновациялық шешімдерді енгізіп, Қазақстанның өндірістік әлеуетін арттыруға елеулі үлес қосуда.
Мекенжайы: БҚО,Орал қ, Өнеркәсіптік аймақ, 7-үй
Телефон: +77078869080
Instagram: @trubprom_kz
