Жабу
Кеңес ал!
«Қызылорда-Нан» компаниясы – заманауи қазақстандық өндірістің табысты үлгісі. 2025 жылғы қазанда Қызылорда қаласында ірі нан-тоқаш және кондитерлік кешеннің салтанатты ашылуы өтті. Іс-шараға Мемлекет басшысы Қасым-Жомарт Тоқаевтың өзі қатысып, бұл оқиға өңірлік азық-түлік өнеркәсібінің дамуы мен жаңа жұмыс орындарының ашылуына маңызды қадам болды.
Жобаның жалпы құны шамамен 5,6 млрд теңгені құрады. Өндірістік кешен заманауи жабдықтармен толық қамтамасыз етіліп, толықтай автоматтандырылған. Ол нан-тоқаш, кондитерлік және макарон өнімдерінің кең ассортиментін шығаруға бағытталған. Болашақта өндірісті кеңейту және ұн тарту комбинатын салу жоспарлануда.
Мұндай кешеннің құрылуы мемлекеттік қолдаудың арқасында мүмкін болды. Зауыттың құрылысын жүргізу үшін компания «Даму» қорының қолдауымен «Қазақстан Халық Банкінен» қаржыландыру алды. Жоба Бірыңғай кешенді бағдарлама аясында субсидиялау мен кепілдендіру құралдарын пайдалана отырып жүзеге асырылды. Осы қолдаудың нәтижесінде несие мөлшерлемесі 19,25%-дан 8%-ға дейін төмендетіліп, пайыздық мөлшерлемедегі айырманы «Даму» қоры субсидиялады.
Сонымен қатар, 2025 жылы компания айналым қаражатын толықтыру үшін «Өрлеу» жеңілдетілген несие беру бағдарламасы бойынша қосымша қолдау алды. Бұл несие бойынша мөлшерлеме жылдық 12,6%-ды құрап, кәсіпорынға қаржылық тұрақтылығын нығайтуға және өндіріс көлемін арттыруға мүмкіндік берді.
Бүгінде кәсіпорында 120-дан астам адам жұмыспен қамтылған, ал даму жобасының екінші кезеңі аяқталғаннан кейін қызметкерлер саны 170-ке дейін өседі. Өнімнің шамамен 30%-ы компанияның өз сауда желісі арқылы, ал 70%-ы Қызылорда қаласы мен оған жақын аудандардағы дүкендер арқылы сатылады.
«Қызылорда-Нан» компаниясының тарихы жеке бастама, мемлекеттік қолдау және заманауи технологиялардың тиімді үйлесімі нақты өндірістік жетістікке жеткізе алатынын айқын көрсетеді. Президенттің қатысуымен өткен ресми ашылу отандық бизнестің өңір экономикасының дамуына және Қазақстанның азық-түлік қауіпсіздігін нығайтуға маңызды үлес қосатынын дәлелдеді.
Мекен жайы: Келменбет батыр тас жолы, 13а
