Жабу
Кеңес ал!
«Промтестплюс» ЖШС 2009 жылы Виталий Бутовтың бастамасымен құрылды. Компания алғашқы күннен бастап жоғары сапалы электр қосқыштарын өндіретін сенімді кәсіпорын ретінде танылып, өндірістік қауіпсіздік саласында жетекші орындардың бірін иеленді.
Өз компаниясын ашпай тұрып-ақ, Виталий бұл салада мол білім мен тәжірибе жинақтаған еді. Оның еңбек жолы жер астындағы электромонтер қызметінен басталып, осы кезеңде ол құнды практикалық тәжірибе жинады. Кейін ол «ПТВС» АҚ-да Айдос су қабылдау учаскесінің бастығы қызметінен бастап, компанияның бас энергетигіне дейін көтерілді. Кәсіби өсу жолында Виталий бәсекеге қабілетті, технологиялық және сапа мен сенімділік стандарттары жоғары компания құруды мақсат етті.
Оның көшбасшылық қасиеттері, стратегиялық ойлау қабілеті және саланы терең түсінуі компанияның табысты дамуына, инновацияларды енгізуіне және өнім түрлерін кеңейтуіне мүмкіндік берді. Бұған өздігінен жүретін тау-кен машиналарына арналған электротехникалық жабдық өндіру де кіреді.
2022 жылы компания айналым қаражатын толықтыру және РНБ-400 мен ВН400 штепсельді қосқыштарына қажетті қосалқы бөлшектер сатып алу үшін «Bank RBK» АҚ-нан несие алуға жүгінді. Сонымен қатар компания пайыздық мөлшерлемені төмендету үшін «Даму» КДҚ» АҚ-ға өтініш берді. Нәтижесінде кәсіпорын «Кәсіпкерлікті дамыту жөніндегі 2021–2025 жылдарға арналған ұлттық жоба» аясында 6% жеңілдетілген мөлшерлемемен несие алды.
2025 жылы компания тағы да қолдау алып, бұл жолы «Даму» кәсіпкерлікті дамыту қоры» АҚ мен «Қазақстан Халық Банкі» АҚ арқылы «1-кепілдік қоры» бағдарламасымен қамтамасыз етілді. Қарыздың жалпы сомасы 143 000 000 теңге болса, қор тарапынан берілген кепілдік көлемі 80 000 000 теңгені (55,94%) құрады.
Виталий Бутов әрқашан биік мақсаттар қойып, үздіксіз даму мен жетілдіруді көздейді. Оның өз ісіне деген адалдығы, табандылығы және инновацияға деген ұмтылысы «Промтестплюс» ЖШС-нің табысының негізгі қозғаушы күштері болып табылады. Оның басшылығымен компания көптеген қиындықтарды еңсеріп қана қоймай, әрі қарай да өсіп, Қазақстан экономикасына елеулі үлес қосып, жаңа жұмыс орындарын ашуда.
Кәсіпкердің жаңа және әрекеттегі кәсіпкерлерге кеңесі:
«Ісіңізге және мақсаттарыңызға адал болыңыз! Бар күшіңізді салып жұмыс істесеңіз – бәрі міндетті түрде болады!»
Жезқазған қаласы, Промзона көшесі 1
Байланыс телефоны: 8 775 921 2429
