Жабу
Кеңес ал!
«Декор Бетон» компаниясы өз қызметін 2004 жылы бастады. Бүгінгі күні оның өнімдері - тротуар плиткалары мен төсеніштерден бастап отырғызғыштарға, орындықтарға және сәулет элементтеріне дейін - қала көшелерін безендіреді және құрылыс дүкендерінде бар. Бірақ қазіргі жетістік тек екі қызметкер, шағын бөлме және бір жабдық түріндегі өте қарапайым бастамадан өсті.
Компания директоры Галина Василюк медицина қызметкері. Ал бизнестегі алғашқы қадамын сауда-саттықтан бастаған. Сол кезде ағасы бетон бұйымдарын өндіретін. Ағасына көмектесетін Галина өнімді сертификаттау мәселелерін өз мойнына алды және біртіндеп көмекші ғана емес, өндіріс процесінің толыққанды жетекшісі болды.
Компанияның алғашқы өнімі – бетон қоршаулар болатын. Содан кейін жаңа бағыт - тротуар плиталары шыға бастады. Ол кезде бәсекелестер аз болатын, сондықтан сұраныс тез өсті. Кейінірек ассортимент орындық, плткалар және басқа да өнімдермен кеңейді. Сұраныстың артуымен өндіріс қуаты да өсті.
Компания алғаш рет мемлекеттік қолдауды 2019 жылы пайдаланып, жаңа жабдықтар сатып алды. Бұл қадам инвестиция және айналым қаражатын толықтыру мақсатында мемлекеттік бағдарлаға белсенді қатысудың бастамасы болатын.
Жақында «Декор Бетон» «Өрлеу» бағдарламасы аясында «ForteBank» АҚ-дағы қарызын қайта қаржыландырып, 12,6% тиімді мөлшерлемемен несие алды.
«Біз мемлекетке және «Даму» қорына өте ризамыз. 7 жылға жуық мемлекеттік бағдарламаларға қатысып келеміз. Бұл үлкен қолдау. Жоғары мөлшерлемелермен біз өндірісті тез дамытып, өнім ассортиментін кеңейте алмас едік», - дейді Галина.
21 жыл ішінде кәсіпорын өз позициясын айтарлықтай нығайтты. Өз қаражатына Үй-жайлар мен жер учаскелері сатып алынды, қоймалар, өндірістік және қосалқы үй-жайлар салынды.
Компания сонымен қатар жұмыс орындарының санын көбейтті. Қазір құрылыс маусымында шамамен 30 адам жұмыс істейді.
Егер бұрын негізгі сатып алушылар жеке тұлғалар болса, бүгінде клиенттер арасында мектептер, балабақшалар, мемлекеттік ұйымдар мен заңды тұлғалар бар.
«Декор Бетон» тек сапалы шикізатты пайдаланады, өйткені басты мақсат - үйлердің, коттедждер мен кеңселердің сыртқы түрін жақсартатын және компанияның жақсы атын сақтайтын берік өнімдер жасау. Зауыттың өнімділігі айына 4000-7000 шаршы метрге жетеді.
«Декор Бетон» ЖК
Қостанай қаласы, Н. Назарбаев даңғылы 180
Телефон: 8 (705) 192-66-75 (WhatsApp), 8 (7142) 57-91-49
Сайт: www.decor-beton.kz
Инстаграм: @dekorbeton.kz
