Жабу
Кеңес ал!
Жеке меншік «МЕДИНА» балабақшасы – Орал қаласындағы әрбір балаға қамқорлық, назар және сүйіспеншілік көрсетілетін ерекше орын. Мұнда 1,5 жастан 7 жасқа дейінгі балаларға сапалы мектепке дейінгі білім беріліп, олардың үйлесімді және жан-жақты дамуына жағдай жасалады.
Балабақшаның негізгі мақсаты — әр баланың жеке ерекшеліктерін ескере отырып, қолайлы, қауіпсіз және шабыттандыратын білім беру ортасын қалыптастыру. «МЕДИНА» кәсібилікке, заманауи тәрбиелеу тәсілдеріне және балалар өзін бақытты сезінетін жылы атмосфераға мән беретін отбасылардың таңдауы. Сонымен қатар, балабақша қаланың іскерлік ортасы үшін де маңызды рөл атқарады: ата-аналарға жұмыс пен бала тәрбиесін үйлестіруге көмек беріп, қоғамның болашақ белсенді әрі білімді буынын қалыптастыруға үлес қосады.
Балабақшаның негізін қалаушы — Қайыржан Жаннат Серікқалиқызы, тәжірибесі мол қаржыгер. Бір күні ол қалада балабақшалар жетіспеушілігі туралы телебағдарламаны көріп, бұл мәселені шешуге өз үлесін қосуға ниеттенеді. Өзінің жеке ғимараты болғандықтан, 2012 жылы Жаннат Серікқалиқызы «МЕДИНА» балабақшасын ашып, балаларға жайлы, қызықты және қауіпсіз орта қалыптастырды.
Алғашында 75 балаға арналған топтармен жұмысын бастаған балабақша қысқа уақыт ішінде ата-аналардың сеніміне ие болып, бүгінде онда 135 бала тәрбиеленуде.
Балалардың жағдайын үздіксіз жақсартып отырудың маңыздылығын түсінген Жаннат Серікқалиқызы 2023 жылы балабақшаны қайта жаңғырту және кеңейту туралы шешім қабылдады. Осы жобаны жүзеге асыру үшін ол «Банк ЦентрКредит» АҚ-на «Даму» қорының қолдауымен жүгінді.
2021–2025 жылдарға арналған кәсіпкерлікті дамыту ұлттық жобасы аясында сыйақы мөлшерлемесі 21%-дан 8%-ға дейін төмендетілді, ал айырмашылығын «Даму» қоры субсидиялады және кепілдік те берді. Мемлекеттік қолдаудың арқасында балабақша жаңа, заманауи кейіпке енді.
Жаңғыртудан кейін балабақшада заманауи, арнайы жабдықталған кабинеттер ашылды:
Логопед кабинеті — сөйлеуді дамыту, балалардың жеке қажеттіліктеріне назар аудару;
Art Room — қазақ қолөнерімен таныстыратын, қиялын дамытатын шығармашылық студия;
Дене шынықтыру кабинеті — денсаулықты нығайту, ептілік пен қозғалыс координациясын дамыту;
Би кабинеті — пластика мен өзіндік мәнерді қалыптастыру;
Музыка кабинеті — есту, ырғақ және музыкалық қабілеттерді дамыту.
«МЕДИНА» балабақшасы — бастамашылдық пен мемлекеттік қолдаудың арқасында әр бала өзін бақытты, қорғалған және ертеңіне сенімді сезінетін ортаны құруға болатынының жарқын үлгісі.
Алдағы уақытта балабақша негізін қалаушысы ерекше білім беруді қажет ететін балаларға көбірек көңіл бөліп, олар үшін барынша қолайлы жағдай жасауды жоспарлап отыр.
Мекенжайы: БҚО, Орал қ, Мағжан Жұмабаев көшесі 84
Телефон: + 7 775 860 86 87
Инстаграмм: @medina_bobekzhai
