Жабу
Қазір әлем халықтары мен мәдениеттері арасында ешқандай шекара жоқ. Бұрын алыс елдердің ұлттық тағамдары таңсық болса, бүгінде шетке шықпай-ақ дәмін татуға болады. Оның бір мысалы – жапон сушиі. Тек күншығыс елінің топырағын басқандарға ғана нәсіп болған тағам қазір дүниенің әр бұрышында сатылып жатыр.
Суджанова Шынар Тілеубекқызы Семейде осы өнімге сұраныстың артқанын байқап, «Ваши суши» атты қоғамдық тамақтандыру франшизасын сатып алып, жалға алған ғимаратта 2016 жылы іс бастады. Алғашқы күннен бастап-ақ өз клиенттеріне өте жоғары деңгейде қызмет көрсетіп, қол жетімді бағада сапалы тағам ұсынуды мақсат тұтты.
2017 жылы Суджанова Шынар бизнесін кеңейтпек болып, үй-жай жалға алып, екінші сауда орнын ашты. Шынардың дәмханасында негізінен теңіз өнімдері, ролл, Wok қораптарындағы донер, сэндвич, гамбургер, пицца және кеспе сияқты фаст-фуд өнімдері сатылады.
2020 жылы кәсіпкер жалға алып отырған үй-жайлардың бірін сатып алуға шешім қабылдап, «Даму» Қорына жүгінді. Несиені «АТФ Банк» АҚ «Еңбек» бағдарламасы аясында 6%-бен берді. Қор несиенің 37%-ына кепіл болды.
Мекенжайы: Шығыс Қазақстан облысы, Семей қ., Мәңгілік Ел, 17.
Телефон: 8 705 913 90 35, 8 708 213 90 35
Instagram: @vashi_sushi_semey
