«Даму» Қоры әк өндіретін экологиялық таза зауытты қолдады

2023 жылғы 14 желтоқсанда «SARYOPAN OPERATING» ЖШС трансұлттық технологиялық әріптесі Carmeuse Group-пен бірлесіп сапалы әк өндіру зауыты іске қосылды. Бұл зауыт – Қазақстан нарығына жоғары сапалы әк өндіріп, жеткізуші. Инвестициялардың жалпы сомасы шамамен 30 млрд теңгені құрады. 200-ден астам тұрақты жұмыс орны ашылды.

Бірінші сұрыпты әк өндіру жөніндегі жобаны «Bank RBK» АҚ «Кәсіпкерлікті дамытудың 2021-2025 жылдарға арналған ұлттық жобасы» мемлекеттік бағдарламасы бойынша «Даму» Қорының қолдауымен қаржыландырды.

«SARYOPAN OPERATING» ЖШС зауытында заманауи жабдықтар мен озық технологиялар пайдаланылады. Бұл сапалы әк өндіруге мүмкіндік береді. Өндіріс процестері қатаң бақыланады.

Зауытта өндірілген әк құрылыс, ауыл шаруашылығы, химиялық өндіріс және т.б. сияқты әртүрлі салаларда қолданылады. Әк – көптеген процестер үшін қажетті компонент. Соның ішінде топырақтың қышқылдығын реттеу, құрылыс материалдарын өндіру, өнеркәсіптік ағын суларды тазарту және т.б.

«SARYOPAN OPERATING» ЖШС өз қызметінде жоғары сапа стандарттары мен экологиялық нормаларды ұстанады. Олар өз өнімдерінің қауіпсіздігі мен сенімділігін қамтамасыз ету үшін халықаралық стандарттар мен сертификаттарға сәйкес жұмыс істейді. Зауыт «SARYOPAN OPERATING» ЖШС жұмысының болашақ негізгі қағидаты болатын ESG стандарттарын қолдана отырып салынды.

«SARYOPAN OPERATING» ЖШС зауыты аймақ экономикасының дамуына ықпал етеді және тұтынушыларының сұранысына толық сай өнім ұсынады.

+7 701 015 1666 Оразалы Бағлан – сату жөніндегі менеджер