info@fund.kz +7 (800) 080 18 90 | 1408

«KAZPROMSERVICE» ЖШС өндіруші ғана емес, қызмет те көрсетеді

Жаңалықтар
05.03.2024

«KAZPROMSERVICE» ЖШС – 2013 жылдың қыркүйегінен дайын бетон жеткізумен айналысады. Дайын бетон – құрылыста, аэродромдардың ұшу-қону жолақтарын төсеу немесе автомобиль жолдарын төсеу кезінде бірдей сұранысқа ие әмбебап құрылыс материалы.

Кәсіпорын алғаш құрылған кезде дайын бетонды тасымалдау үшін «KAZPROMSERVICE» ЖШС техника жалдап, тапсырыс берушіге жеткізіп беретін. Арнайы техниканы жалға алуда қиындықтар туындағандықтан, өз көлік паркін құру туралы шешім қабылданды. Осылайша, компания әкімшілік және қосалқы қызмет көрсету саласындағы қызметпен, атап айтқанда құрылыс машиналары мен жабдықтарын жалға беру және басқа топтарға кірмейтін басқа машиналарды, жабдықтарды және материалдық құндылықтарды жалға берумен айналыса бастады.

Арнайы техника қызметіне деген үлкен сұранысты және оның тез ескіруін ескере отырып, компания көліктер паркін ішінара жаңартуға шешім қабылдады. 12 бірлік құрылыс техникасын сатып алу мақсатында компания «Центр Лизинг» ЖШС арқылы қаржылық лизингке берді. «Даму» Қорының қолдауымен субсидиялау құралының арқасында лизинг мөлшерлемесі 19,5%-дан 13,5%-ға дейін төмендеді.

Арнайы техниканың жаңа түрлерін алудың арқасында қызметкерлердің саны артты, бұл компанияға нарықта артықшылық беріп, тұтынушыларды көбірек тартады.

Бүгінгі таңда компанияның арнайы техникасының үлкен паркі бар, олар тапсырыс берушілердің құрылыс алаңдарында келесі көлік қызметтерін көрсету үшін қолданылады: топырақ науасын дайындау, жүктерді тасымалдау, жол төсемдерін орау және т.б.

Ұлытау облысы, Сәтбаев қ. Абай Құнанбаев көш., 68 үй

тел.: +77712188059