Ауылында «Ақ отау» атты мейрамхана ашқан кәсіпкер

21.05.2024

Әлия Қарашинаның бизнесі 2008 жылы Индер ауданының Индербор ауылында дәмхана, азық-түлік дүкенін ашудан басталды. 2011 жылы жұбайы екеуі 250 орындық үлкен мейрамхана салуға шешім қабылдады. Қазір «Ақ отау» атты бұл мейрамханада жергілікті халық түрлі іс-шаралар, той-томалақ өткізіп келеді. Мейрамхана үнемі жаңартып тұруды талап етеді.

Әлия Қарашина мейрамханаға жөндеу жұмыстарын жүргізуге және бұл бизнеспен қатар шұжық өнімдерін шығаратын цех ашуға шешім қабылдап, «Қазақстан Халық Банкінен» несие алды. «Даму» Қоры «Ұлттық жоба» бағдарламасы аясында несиені субсидиялап, кепілдік ұсынды.

Қазір «Қарашина А» ЖК тұрғындардан тапсырыстар қабылдап, аптасына 20 кг шұжық өнімдерін (жылқы, сиыр және тауық етінен жасалған) өндіріп жатыр.

Қажырлы еңбегінің арқасында кәсіпкер облыстық байқауда «Бизнес мойындаған Әлия» атты марапат алып, 2008 жылды «Жыл кәсіпкері» атанды.

Индер ауданы, Индербор ауылы, Х.Доспанова көшесі, 1Б

+7 701 451 08 93

Инстаграм: @agotauinder