Жабу
«Шыны конструкциялар зауыты» компаниясы 2003 жылдан бері триплекс шынысын, иілген шыныларды, сондай-ақ кең спектрлі қауіпсіз көп қабатты шынылар шығарумен айналысады.
2003 жылдан 2007 жылға дейін Константин Бородастов шыны өндірісі саласындағы қызметті кеңейте бастады. Атап айтқанда::
Жалпақ триплекс шыны өндірісі;
Жерүсті көлік түрлеріне арналған түпнұсқа триплекс әйнектерін өндіру;
Азаматтық және өнеркәсіптік құрылыста қолданылатын триплекс әйнегі мен флоат әйнегін сәндеп күңгірттеп, нығайту;
Автомобиль көлігі мен арнайы техниканы сәндеп, күңгірттеу;
Сыртқы және ішкі интерьер дизайнын, әкімшілік ғимараттарды, сондай-ақ кеңсе, сауда жабдықтары мен жиһаздарға арналған әртүрлі компоненттерді қоса алғанда, кең спектрлі иілген шыны өндірісі желілерін іске қосты.
2009 жылдың басында әйнек қалқандарын кесу және жиектерді өңдеу бойынша жаңа цех салынып, пайдалануға берілді. Заманауи жабдық еуропалық стандарттарға сәйкес жиектерді, соның ішінде түзу және қисық беттерді өңдеуге мүмкіндік береді. Сондай-ақ, кез-келген көлемдегі автобустарға арналған панорамалық әйнек өндіруге арналған жабдықтар сатып алынды, сонымен қатар ағылшын технологиясы бойынша заманауи жабдықта витраждар өндірісі басталды.
«Даму» Қорының қолдауымен компания шыны өңдеу цехының негізгі құралдарын жаңғыртып, пластмасса бұйымдар өндіру, сондай-ақ табақ шыныны қалыптастыру және өңдеу жөніндегі қызметті кеңейтті. Бұл үшін компания «Қазақстан Халық Банкінен» несие алып, «Бірыңғай кешенді бағдарламаның» «Шағын және орта кәсіпкерлікті қолдау» бағыты аясында қос қабатты терезені өндіру жөніндегі қызметті кеңейтуге жылына 21,75%-бен несие алды. Оның 8%-ын кәсіпкер төлейді, ал айырмашылықты мемлекет субсидиялайды.
Қазір ұжымда 65 адам жұмыс істейді. Кәсіпорын өңірлік және республикалық конкурстарға белсенді қатысады, өндірілетін тауарды көрмелерге қояды, жыл сайын сапасы үшін дипломдармен және наградалармен марапатталады.
Байланыс телефоны: 7 7232 216 576
Мекен-жайы: ШҚО, Өскемен қаласы, Трактор көшесі, 24/1
e-mail: info@zskvko.kz
