Call-center:1408
онлайн өтінім беру
Оңалту қызметі – ауыр ота жасалған немесе созылмалы сырқаттан ағзасында ауытқу пайда болған жандарға денсаулығын түзеп, бұрынғы қалпына келуге көмектесетін әлеуметтік қызмет.
Талдықорғандағы «Мейірім-оңалту орталығы» ЖШС – медициналық қызметтер нарығында 2022 жылдан бері табысты жұмыс істеп келеді.
«Мейірім-оңалту орталығының» басшысы бұрын Талдықорған қалалық емханасында жұмыс істеген кезінде Жетісу облысында мұндай орталық ашу қаншалықты қажет екенін өзі көріп, көзі жеткен. Себебі жергілікті ауруханаларда мұндай бөлімшелер жоқ.
Осылайша, 2022 жылы ол Талдықорған қаласында оңалту орталығын ашу туралы шешім қабылдады. Алдымен үй-жайды жалға алды, косметикалық жөндеу жүргізді, қажет жиһаздар мен жабдықтар сатып алды. Лицензия алған соң олар ересектерге стационарлық көмек, медициналық оңалту, қалпына келтіру, емдеу, физиотерапия, массаж, невропатология сияқты қызметтер көрсете бастады.
Екі жыл ішінде «Мейірім» медициналық оңалту орталығы осы салада сұранысқа ие әрі танымал болды. Осыған байланысты кәсіпкер жалдап отырған ғимаратын сатып алып, медициналық қызметтер ауқымын кеңейтуге шешім қабылдады.
«Forte Bank» АҚ-ға жүгінген ол инвестиция үшін несие алды. Жобаны «Даму» Қоры «2021-2025 жылдарға арналған кәсіпкерлікті дамыту жөніндегі ұлттық жобаның» 2-ші бағыты аясында субсидиялап, кепілдік берді.
Қазір «Мейірім» оңалту орталығында 32 төсектік орын бар. Сондай-ақ дәрігер, медбике, санитар, массаж жасаушы сияқты 20-дан астам кәсіби медицина қызметкері жұмыс істейді.
Инстаграм: @center_meirim
Телефон: +7 775 243 57 26
Мекенжайы: Жетісу облысы, Талдықорған қаласы, Ш. Уәлиханов көшесі, 205-бет
